Í nýlegu viðtali við The Advocate talaði Carrie Fisher, eða Princess Leia úr Star Wars myndunum, um einn langlífasta orðróm Hollywood. Margir hafa viljað meina að John Travolta, úr myndum á borð við Grease og Face/Off, sé samkynhneigður. Fisher, sem er góðvinur leikarans, sagði í viðtalinu, „Það sem ég hef oft sagt við John er að við vitum þetta öll og okkur er sama.“
John Travolta er, eins og margir vita, giftur leikkonunni Kelly Preston og á með henni börn. Samkvæmt höfundinum Robert Randolph, sem skrifað hefur nokkrar bækur um menningu samkynhneigðra í Hollywood, hefur Travolta haldið framhjá konu sinni með að minnsta kosti 6 karlmönnum. Þar að auki heldur Randolph því fram að hann hafi sjálfur séð Travolta stunda kynlíf með öðrum karlmönnum. Lögfræðingar leikarans hafa lengi barist gegn því að talað sé um kynhneigð hans en Carrie Fisher bætti við að lokum, „Mér finnst sorglegt að hann geti ekki viðurkennt þetta en svoleiðis er það bara. En þetta lögfræðingastúss á honum kallar bara á meiri athygli. Hann ætti að láta kyrrt liggja.“
– Bjarki Dagur