Kvikmyndastjarnan John Travolta, og eiginkona hans, Kelly Preston, einnig kvikmyndastjarna, eignuðust strák í gær í Flórída. Hefur honum verið gefið nafnið Benjamin.
Talskona hjónanna, Samantha Mast segir í yfirlýsingu að hjónin og dóttir þeirra, Ella Bleu, séu himinlifandi yfir nýja fjölskyldumeðlimnum.
Í tilkynningunni segir einnig að móður og barni heilsist vel.
Þetta er þriðja barn þeirra hjóna, en þau giftu sig árið 1991.
Elsti sonur þeirra, Jett, lést á síðasta ári, 16 ára að aldri.
