The Hunger Games leikkonan Jennifer Lawrence mun leika aðalhlutverkið í kvikmyndagerð sögunnar East of Eden, eða Austan Eden, í leikstjórn Gary Ross. Myndin er byggð á sígildri skáldsögu bandaríska rithöfundarins John Steinbeck og fjallar um föður og tvo syni hans í Salinas Valley í Kaliforníu, og myrk leyndarmál sem snúast um móður þeirra, sem þeir héldu að væri látin. Bókin hefur áður verið kvikmynduð, þá af leikstjóranum Elia Kazan með James Dean í aðalhlutverki, árið 1955.
Lawrence mun leika móðurina á yngri árum, en Jo Van Fleet lék sama hlutverk í eldri útgáfunni.
