Nýtt sýnishorn úr Hungurleikunum

Final-Katniss-THGM1-posterFyrri hluti síðustu myndarinnar um Hungurleikanna verður frumsýndur þann 21. nóvember næstkomandi. Í dag var sýnd nýtt sýnishorn úr myndinni sem ber heitið The Hunger Games: Mockingjay – Part 1.

Francis Lawrence leikstýrir myndinni. Með helstu hlutverk fara Jennifer Lawrence, Woody Harrelson, Liam Hemsworth, Josh Hutcherson, Philip Seymour Hoffman, Donald Sutherland og Julianne Moore.

Í myndinni sér Katniss Everdeen sig nauðuga til að sameina hverfin í Panem og efna til byltingar gegn spilltu ógnarstjórninni í höfuðborginni. Um leið og stríðið sem mun ákveða örlög Panem stigmagnast þar til að Höfuðborgin leggur öll hverfin í rúst, verður Katniss að ákveða hverjum hún getur treyst og hvað hún skuli gera, á meðan allt sem henni er kært hangir á bláþræði.

Hér að neðan má sjá sýnishornið.