Örvæntingarfullir mannræningjar – Ný stikla!

Ný stikla í fullri lengd kom út í dag fyrir gamanmyndina Horrible Bosses 2 þar sem þeir félagarnir Jason Sudeikis, Charlie Day og Jason Bateman byrja að feta glæpabrautina.

horrible bosses

Félagarnir Nick, Dale og Kurt eru komnir með upp í kok af því að vinna fyrir aðra, og ákveða því að stofna sitt eigið fyrirtæki. En lævís fjárfestir svíkur þá, og þar með er ævintýrið fyrir bí. Núna eru þeir bæði niðurlægðir og örvæntingarfullir og eiga enga von um að ná fram réttlæti gagnvart fjárfestinum. Þeir ákveða því að ræna fullorðnum syni fjárfestisins og krefja hann um lausnargjald til að ná fyrirtækinu sínu aftur úr höndunum á honum.

En líf glæpamannsins er ekki alltaf dans á rósum, og áður en varir þurfa félagarnir að rukka inn greiða frá gömlum kunningjum.

Kíktu á stikluna hér fyrir neðan:

Leikstjóri er Sean Anders og meðal annarra leikara eru Jamie Foxx, Kevin Spacey og Jennifer Aniston. Myndin er væntanleg í bíó í nóvember nk.