Gamanmyndin Horrible Bosses verður frumsýnd í sumar og má nú sjá trailerinn fyrir myndina hér fyrir neðan. Myndin fjallar um þrjá vini, leikna af þeim Jason Bateman, Charlie Day og Jason Sudeikis, sem allir eiga það sameiginlegt að yfirmenn þeirra gera þeim lífið leitt við hvert tækifæri.
Eitt kvöldið við drykkju taka félagarnir sig til og ákveða að best væri að koma yfirmönnum sínum fyrir kattarnef, og hefst þá heldur hlægileg atburðarrás sem getur varla endað vel. Með hlutverk yfirmannanna hræðilegu fara Kevin Spacey, Jennifer Aniston og Colin Farrell, en Jamie Foxx fer sömuleiðis með hlutverk í myndinni.
