Hötuð móðir neitar að flytja

Tvöfalda Óskarsverðlaunaleikkonan Jane Fonda, sem komin er á áttræðisaldur, ætlar að leika í nýjum gamanþáttum á ABC sjónvarpsstöðinni í Bandaríkjunum sem kallast Now What? Fyrst verður gerður einn prufuþáttur, en fari svo að þáttturinn hljóti náð fyrir augum áhorfenda, þá verður þetta fyrsta aðalhlutverkið sem Fonda leikur í sjónvarpsþáttaröð.

Þættirnir munu fjalla um afleiðingar bloggfærslu sem dóttir persónu Fonda skrifar  þar sem hún týnir til hinar ýmsu ástæður þess afhverju hún hatar móður sína. Eftir að móðir hennar les bloggfærsluna ákveður móðirin að flytja inn til dóttur sinnar, og neitar að flytja aftur út fyrr en þær mæðgur hafa sæst.