Spennumyndin Nightcrawler, með Jake Gyllenhaal í aðalhlutverkinu, verður frumsýnd á morgun, föstudaginn 7. nóvember. Myndin verður sýnd í Laugarásbíó, Háskólabíó og Borgarbíó Akureyri.
Lou Bloom (Jake Gyllenhaal) er ungur og metnaðurfullur maður sem nauðsynlega vantar vinnu. Á augabragði gerist hann lausráðinn glæpafréttamaður og fær hann í kjölfarið að kynnast hinni sönnu næturveröld Los Angeles borgar. Hann fær aðstoð frá vægðarlausri sjónvarpsfréttakonu (Rene Russo) og hefst vægast sagt viðburðarík atburðarás hjá Lou og stanslaus leit að merkilegum glæpatíðindum.
Nightcrawler er á toppnum í Bandaríkjunum þessa dagana og hefur hún verið að fá prýðilegar viðtökur hjá gagnrýnendum. Talið er víst að myndin verði einnig sú mest sótta næstu helgi.
