Iron Man 3 flaug á topp íslenska bíóaðsóknarlistans um helgina, en myndin var heimsfrumsýnd hér á Íslandi síðastliðinn miðvikudag.
Tekjur myndarinnar námu tæpum 9 milljónum króna sem eru næstum því tíu sinnum meiri tekjur en myndin sem var önnur aðsóknarmest hafði, teiknimyndin The Croods, en hún hefur samt sem áður notið mikilla vinsælda þær 5 vikur sem hún hefur verið hér í sýningum.
Í þriðja sæti listans og dettur úr fyrsta sætinu er Oblivion með Tom Cruise í aðalhlutverkinu og í fjórða sæti er ný mynd, The Call, með Halle Berry í hlutverki konu sem svarar í símann hjá neyðarlínunni 911.
Í fimmta sæti er önnur ný mynd, en það er bíóútgáfa af barnaþáttunum Latibær.
Ein ný mynd til viðbótar er á listanum; spennumyndin Passion, nýjasta mynd hins virta leikstjóra Brian De Palma.
Sjáðu lista 19 vinsælustu mynda í bíó á Íslandi hér fyrir neðan:
