Tímaritið People hefur útnefnt Gwyneth Paltrow, aðalleikkonu Iron Man 3, sem fallegustu konu í heimi árið 2013.
Paltrow var valin fram yfir konur eins og Jennifer Lawrence, Kerry Washington og Drew Barrymore sem allar komust á lista People yfir fallegustu konur í heimi.
Sigurvegarar síðustu ára eru m.a. söng- og leikkonan Beyonce sem var fallegust í fyrra, og söng- og leikkonan Jennifer Lopez sem var fallegust 2011.
Paltrow þakkar skipulagðri líkamsþjálfun sitt fallega og unglega útlit. „Þegar ég byrjaði fyrst [ í líkamsrækt ] þá hugsaði ég, „ég verð aldrei góð í þessu. Þetta er martröð!“ En núna er þetta jafn venjulegt fyrir mér og að bursta í mér tennurnar, ég bara dríf í þessu.“
Paltrow á tvö börn, Apple sem er 8 ára og Moses 7 ára, með eiginmanni sínum Chris Martin söngvara hljómsveitarinnar Coldplay.
Smelltu hér til að lesa meira um val People á fallegustu konu í heimi.
Iron Man 3 verður heimsfrumsýnd í dag, miðvikudag, á Íslandi.