Járnfrúin hefur áhrif á frumsýningu Járnmannsins

Eins og alheimur veit þá lést járnfrúin Margaret Thatcher í síðustu viku og hefur það haft þau áhrif að frumsýning Iron Man 3 frestast í Bretlandi.

Þann 17. apríl verður Thatcher jörðuð og er það sama dagsetning áætlaðar frumsýningar. Nú hafa framleiðendur myndarinnar frestað frumsýningunni vegna þess að þeir telja að fólk muni ekki fara í kvikmyndahús þar í landi á þessum degi og að frumsýningin muni ekki fá neina athygli vegna jarðafarinnar.

„London verður eitt öngþveiti og mun alþjóð fylgjast með jarðaförinni.“ segir aðalframleiðandi myndarinnar.

Frumsýningunni hefur verið frestað til 26. apríl í Bretlandi.