Þó að draumatryllirinn Inception sé enn í bíó hér á landi eins og víða annars staðar reyndar, þá er byrjað að tilkynna með DVD og BluRay útgáfur.
Warner Home Video UK sendi út fréttatilkynningu um sérstaka BluRay skjalatösku sem þeir ætla að gefa út í takmörkuðu upplagi:
Í skjalatöskunni verður að finna þrjá diska, skopparakringlu ( eins og Leo notar í myndinni til að sjá hvort að hann er að dreyma eða ekki ) draumavélabæklingur, og fjögur listræn myndaspjöld.
Taskan verður í boði á meðan birgðir endast og kostar 39,99 pund, eða 7.211 kr.
Taskan fer í sölu þann 6. desember nk. en þá fer myndin einnig í almenna sölu á DVD og BluRay.
