McKellen verður 93 ára Sherlock Holmes

THE HOBBIT: AN UNEXPECTED JOURNEYHann hefur leikið Ríkharð III, Gandálf, Magneto, og nú er komið að Sherlock Holmes.

Breski leikarinn Ian McKellen, 74 ára, hefur ráðið sig til að leika hlutverk þessa frægasta spæjara heims í væntanlegri mynd leikstjórans Bill Condon,  A Slight Trick of the Mind.

Í myndinni mun McKellen leika Holmes á síðari árum ævi sinnar, skiljanlega. Þessi saga sem myndin verður gerð eftir, var ekki skrifuð af Arthur Conan Doyle, höfundi sagnanna um Sherlock Holmes, heldur er þetta kvikmyndagerð á skáldsögu frá 2006 eftir Mitch Cullin.

Sagan hefst þar sem spæjarinn er orðinn 93 ára, löngu hættur störfum og fluttur uppi í sveit í Sussex, þar sem óleyst mál frá því fyrir hálfri öld síðan, poppar upp.

Félagi hans, Dr. Watson, er ekki lengur við hlið hans, og andleg skerpa Holmes er ekki lengur sú sama og áður.

McKellen og Condon unnu síðast saman að Gods and Monsters, en McKellen var tilnefndur til Óskarsverðlauna fyrir leik sinn í myndinni, sem var hlutverk leikstjóra kvikmyndanna Frankenstein og Bride of Frankenstein, James Whale. Condon fékk Óskarsverðlaunin fyrir besta handrit eftir áður birtu eftir.

Til gamans má geta þess að Benedict Cumberbatch, sem leikur Sherlock Holmes í nýlegum sjónvarpsþáttum, leikur aðalhlutverkið í WikiLeaks myndinni The Fifth Estate, sem er leikstýrt af engum öðrum en …. Bill Condon.