Hugh óþekkjanlegur Svartskeggur

hookÁstralski leikarinn Hugh Jackman, sem fer með hlutverk Svartskeggs sjóræningja í nýju myndinni um Pétur Pan, Pan, birti á Twitter síðu sinni í gær fyrsta plakatið úr myndinni: „Hér er það komið! Fyrsta plakatið fyrir @panmovie. Hvað finnst ykkur!?“

Eins og sést á plakatinu er Hugh Jackman talsvert ólíkur sjálfum sér – nær óþekkjanlegur, sköllóttur með tígullegt skegg, illvígur, vopnaður bæði sverði og byssu. Með honum á myndinni er Garrett Hedlund sem Hook, eða Krókur, Rooney Mara sem Tiger Lily, og Levi Miller sem Pétur Pan.

Myndin er væntanleg í bíó 9. október nk.