Nýtt plakat úr Game of Thrones 6 – Snýr Snow aftur?

Nýtt plakat úr sjöttu þáttaröðinni af Game of Thrones er komið á netið. Þar sést Jon Snow með blóð lekandi niður andlitið og því má ætla að hann snúi aftur í þáttaröðinni, þrátt fyrir að hafa lent í honum kröppum í þeirri síðustu.

game-of-thrones-jon-snow

 

Miðað við plakatið verður sjötta þáttaröðin frumsýnd í apríl, rétt eins og þær síðustu. Sumir héldu að hún færi á skjáinn síðar vegna frumsýningar HBO á þáttunum Vinyl og nýrra þáttaraða af Girls og Togetherness en ekkert verður af því.

Í lokin á Game of Thrones 5 var Snow stunginn illa og svo virtist sem hann hefði dáið. Miðað við nýja plakatið verður að teljast líklegt að hann snúi aftur í næstu þáttaröð.