Harrison Ford í Expendables 3

Sylvester Stallone tilkynnti í dag á Twitter samskiptasíðunni að enginn annar en Harrison Ford hefði slegist í hóp leikara í Expendables 3 myndinni. Jafnframt sagði hann að Bruce Willis hefði því miður heltst úr lestinni.

harrison ford

Miðað við næstu færslu á Twitter þá virðist sem Stallone sé hnýta í Willis fyrir að vera gráðugur og latur:

2 ford

 

Aðrir staðfestir leikarar í myndinni eru þau Mel Gibson, Milla Jovovich, Jet Li, Jason Statham, Dolph Lundgren, Kellan Lutz, Arnold Schwarzenegger, Randy Couture, Nicolas Cage, Wesley Snipes, Jackie Chan, Terry Crews og Steven Seagal.

Ford er með ákveðna endurkomu þessa dagana í bíómyndum. Hann leikurí Ender´s Game, er með gestahlutverk í Anchorman 2 og mun snúa aftur sem Han Solo í Star Wars: Episode VII.  Þá vill hann gera nýja Indiana Jones mynd, eins og við sögðum frá fyrr í dag, og nú er það Expendables 3.

Expendables 3 verður frumsýnd 15. ágúst 2014.