Schwarzenegger og Lautner í Grown Ups 2 – Ný stikla!

Ný stikla er komin fyrir gamanmyndina Grown Ups 2, sem er framhald myndarinnar Grown Ups frá árinu 2010.

Hér er vinahópurinn mættur aftur og lendir meðal annars í hópi háskólanema úr bræðralagi, sem neyðir hópinn til að stökkva fram af klettum allsnakinn.

Það er gaman að geta þess að sonur Arnolds Schwarzeneggers, Patrick Schwarzenegger leikur einn af háskólanemunum sem sjá má í stiklunni,og einnig leikur Twilight leikarinn Taylor Lautner einn af meðlimum bræðralagsins.

Þá kemur körfuboltahetjan Shaquille O’Neal fram í hlutverki dansandi löggu.

Enn fremur má í stiklunni sjá hjartardýr pissa á Adam Sandler og Salma Hayek, sem leikur eiginkonu hans í myndinni.

Sjáðu stikluna hér að neðan:

Grown Ups 2 kemur í bíó í Bandaríkjunum 12. júlí nk. en 6. september á Íslandi.