Ron Burgundy, fréttaþulurinn frábæri úr gamanmyndinni Anchorman 2: The Legend Continues, bregst ókvæða við þegar honum er sagt frá nýrri fréttastöð sem ætlar að senda út allan sólarhringinn. Honum finnst þetta fáránleg hugmynd!
Það er Will Ferrell sem leikur Burgundy.
Það líður þó ekki á löngu þar til maðurinn hinum megin við borðið dregur upp seðlabúnt og þá er Burgundy ekki lengi að skipta um skoðun og lofar því að verða aftur númer eitt, og gera það sem Burgundy var fæddur á þessa Jörð til að gera: að hafa fullkomið hár og lesa fréttir.
Sjáðu atriðið hér fyrir neðan:
Leikstjóri er Adam McKay og aðrir leikarar eru helstir þeir Steve Carell, Paul Rudd og David Koechner.
Myndin kemur í bíó á Íslandi 20. desember nk.
