Fyrsta sýnishornið lent fyrir The Midnight Sky

Vísindaskáldsagan The Midnight Sky í leikstjórn George Clooney nálgast óðum og hefur nú tekið á sig skýrari mynd með fyrstu stiklunni.

Myndin er framleidd fyrir streymisveituna Netflix og fóru tökur meðal annars fram í nágrenni Hafnar í Hornafirði í fyrrahaust.

The Midnight Sky er gerð eftir skáldsögunni Good Morning, Midnight eftir Lily Brooks-Dalton. Clooney leikur vísindamann sem er staddur á heimskautasvæðinu og reynir af öllum mætti að ná sambandi við áhöfn geimskutlu sem er að reyna að komast til jarðar.

Með önnur helstu hlutverk fara þau Felicity Jones, Kyle Chandler David Oyelowo, Demián Bichir og Tiffany Boone. Á meðal íslenskra leikara sem tóku þátt í verkefninu má nefna Lilju Nótt Þórarinsdóttur og Atla Óskar Fjalarsson.

Myndin verður aðgengileg á Netflix þann 23. desember.