Kvóti á Frozen varning

frozen 4Samkvæmt vefritinu WDW Magic, þá hefur Disney fyrirtækið sett kvóta á kaup fólks á Frozen minjagripum í öllum Disney skemmtigörðum í Bandaríkjunum og á skemmtiferðaskipum fyrirtækisins og sumardvalarstöðum.

Frozen er geysivinsæl metsölumynd frá Disney sem fékk tvenn Óskarsverðlaun fyrr á þessu ári.

Þetta þýðir að nú má aðeins kaupa fimm Frozen hluti af hverri tegund í heimsókn á þessa staði.  Til dæmis mætti kaupa 5 Elsu dúkkur og 5 Önnu dúkkur, en ekki 5 Elsu dúkkur og 6 Önnu dúkkur.

Það er fáheyrt að fyrirtæki vilji takmarka sölu á varningi sínum, en Disney er greinilega umhugað um að sem flestir eigi möguleika á að eignast Elsu og Önnu dúkkur í heimsókn sinni í skemmtigarðinn.