Parker Sawyers hefur verið ráðinn til að leika Barack Obama Bandaríkjaforseta í myndinni Southside With You, en myndin fjallar um tilhugalíf forsetahjónanna, Barack og Michelle Obama. Tika Sumpter leikur Michelle.
Myndin segir frá hinu viðburðaríka stefnumóti árið 1989, þegar ungur lögfræðingur að nafni Barack Obama steig í vænginn við annan lögfræðing, Michelle Robinson, síðla dags, sem hófst í Art Institute of Chicago og endaði í bíó á myndinni Do the Right Thing eftir Spike Lee. Þau kyssust síðan í fyrsta skipti það kvöld fyrir utan ísbúð.