Fyrsta myndin úr Everest

Fyrsta myndin úr kvikmynd Baltasar Kormáks, Everest, hefur verið opinberuð. Universal Pictures opinberuðu myndina með fréttatilkynningu í dag og staðfestu einnig að Everest verði frumsýnd þann 27. febrúar, 2015. Á myndinni sést leikarinn Jason Clarke, fremstur í fararbroddi í stormviðri.

EVERest

Everest er byggð á sannsögulegum atburði, þegar átta fjallgöngumenn fórust í aftakaveðri á hæsta fjalli jarðar, Everest, 11. maí árið 1996 en það er mannskæðasta slys sem orðið hefur á fjallinu.

Með aðalhlutverk í myndinni fara Jake Gyllenhaal, Josh Brolin, John Hawkes og Jason Clarke. Íslenski leikarinn Ingvar E. Sigurðsson hefur einnig bæst í hópinn og fer með hlutverk rússnenska fjallgöngumannsins, Anatoli Boukreev.

Kvikmyndin verður tekin upp í Nepal, Ítölsku ölpunum og myndverum í Róm og á Englandi.