Jamie Foxx ófrýnilegur sem Electro

Jamie Foxx er ófrýnilegur sem Electro, óvinur Köngulóarmannsins, í nýrri ljósmynd úr The Amazing Spider-Man 2 sem er væntanleg næsta vor.

spider man foxx

Myndin birtist fyrst hjá Entertainment Weekly.

Í The Amazing Spider Man-2 hefur Pétur Parker (Andrew Garfield) í nógu að snúast. Hann glímir við vondu karlana á sama tíma og hann eyðir tíma með kærustunni sinni Gwen Stacy (Emma Stone) og stundar menntaskólanámið þegar hann hefur tíma til.

Hlutirnir breytast þegar nýtt illmenni (Electro) kemur til sögunnar og gamall vinur, Harry Osborn, snýr aftur. Pétur Parker afhjúpar einnig fleiri atvik úr fortíð sinni.