Þríeyki og tvíeyki í nýjum Myndum mánaðarins

Janúarhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í janúarmánuði, sem og nýjum myndum sem gefnar verða út á DVD, Blu-ray og/eða VOD í mánuðinum.

Á forsíðum blaðsins eru tvær spennandi en ólíkar kvikmyndir, sem margir hafa beðið eftir með mikilli eftirvæntingu – annarsvegar er það vísindaskáldsagan og ráðgátan Glass eftir ráðgátumeistarann M. Night Shyamalan, þar sem þríeykið Bruce Willis, Samuel L. Jackson og James McAvoy koma saman, og hinsvegar er það Holmes and Watson, með gríntvíeykinu Will Ferrell og John C. Reilly í aðalhlutverkunum.

Glass kemur í bíó 18. janúar en Holmes og Watson koma í bíó á morgun, föstudaginn 4. janúar.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is