Nýjar myndir úr fjórðu myndinni um Júragarðinn voru opinberaðar í dag. Á myndunum sést m.a. leikarinn Chris Pratt í hlutverki sínu ásamt leikkonunni Bryce Dallas Howard.
Framhaldsmyndin Jurassic World gerist 22 árum á eftir atburðunum í fyrstu Jurassic Park-myndinni. Þetta verður fjórða myndin í seríunni og verður hún frumsýnd 2015, þegar einmitt 22 ár verða liðin síðan fyrsta myndin kom út árið 1993.
Colin Trevorrow leikstýrir myndinni, en það kom nokkrum á óvart því Trevorrow er nokkuð óreyndur og hefur aðeins leikstýrt einni mynd, Safety Not Guaranteed sem kom út árið 2012.
Með önnur helstu hlutverk í myndinni fara m.a. Omar Sy, Vincent D’Onofrio, Jake Johnson og Irrfan Khan.
Hér að neðan má sjá myndirnar.
