Channing Tatum er Evel Knievel

Channing Tatum er sagður vera í samningaviðræðum þess efnis að framleiða og leika aðalhlutverkið í væntanlegri kvikmynd um adrenalínsjúklinginn Evel Knievel. Tatum hefur farið mikinn undanfarin misseri í Hollywood með leik sínum í 21 Jump Street og nú síðast Magic Mike.

Handritshöfundur Magic Mike hefur verið ráðinn til að skrifa handrit myndarinnar, en myndin verður byggð á bók um ævisögu Knievel og ber heitið Life of Evel og kom út árið 2008. Fyrir þá sem ekki vita þá var Evel Knievel þekktur fyrir að vera heljarinnar daredevil (ekki með horn samt). Hann er í Guinness bókinni með flest brotin bein á lífsleiðinni, eða 433 talsins. Knievel lést árið 2007.

Hvort sem samningar við Tatum nást eða ekki er ljóst að fyrrum stripparinn (já hann var alvöru strippari áður en hann lék í Magic Mike) er að rísa hratt á stjörnuhimininn í Hollywood.