Leikstjórinn Juan Antonio Bayona hefur dregið sig út úr framhaldi World War Z. Ástæðan er sú að hann þarf að ljúka við gerð myndarinnar A Monster Calls með Felicity Jones og Liam Neeson í aðalhlutverkum.
Kvikmyndaverið Paramount vill ljúka við gerð uppvakningatryllisins í sumar og því varð Bayona frá að hverfa.
Brad Pitt leikur sem fyrr aðalhlutverkið.
„Bayona getur ekki lengur gert Wold War Z á þessu ári en það viljum við gera. Hann er afar snjall leikstjóri og við vonumst til að vinna með honum síðar,“ sagði Paramount í yfirlýsingu.
