Skrítið að taka upp kynlífsatriðin

Angelina Jolie segir að það hafi verið stórskrítið að taka upp kynlífsatriði með eiginmanni sínum Brad Pitt fyrir myndina By the Sea, en Jolie leikstýrir myndinni einnig. by the sea

„Það er það skrítnasta í heimi að liggja nakin í baðkari með iPad sem sýnir þér hvernig takan lítur út utan frá, á meðan eiginmaður þinn er við dyrnar og þú ert að leikstýra honum og fá hann til að koma inn og njóta ásta með þér,“ sagði Jolie við Entertainment Weekly. „Og fyrir framan okkur er hellingur að  mönnum með myndatökuvélar.“

Hún bætti við: „Ástarsenur eru alltaf skrítnar, hvað þá þegar þú ert að leika þær með manneskju sem þú stundar í raun og veru kynlíf með.“

„Eina leiðin fyrir okkur til að komast í gegnum þetta var að tala um hversu fáránlegt þetta var og að sjá til þess að engum leið skringilega.“

Jolie segir að Pitt hafi viljað vernda hana við tökurnar. „Ég gat ekki farið úr baðkarinu og að skjánum vegna þess að leikstjórinn er nakinn. Við erum listamenn og viljum vera frjálsir en Brad, þarna er um eiginkonu hans að ræða. Hann var með handklæðið tilbúið fyrir mig.“