Tökur á Bad Santa 2 hefjast að öllum líkindum á næsta ári. Þetta segir aðalleikarinn Billy Bob Thornton.
Síðan Bad Santa kom út 2003 hefur hann reynt að sjá til þess að framhaldsmynd verði gerð og núna virðist sem hann fái ósk sína uppfyllta.
„Það hefur verið mjög erfitt að láta handritið ganga upp. Við höfum farið í gegnum þrjú eða fjögur uppköst en núna erum við á réttri leið. Handritið verður að veruleika og hugmyndin er að taka upp á næsta ári,“ sagði Thornton.
Hann telur að myndin verði ekki eins góð og sú fyrri. „En við ætlum að komast eins nálægt henni og hægt er.“
Leikstjóri verður Steve Pink (Grosse Pointe Blank, High Fidelity). Doug Ellin (maðurinn á bak við Entourage) verður handritshöfundur.
