Ný stikla úr 'Avengers: Age of Ultron'

avengers-age-of-ultronOfurhetjumyndin Avengers: Age of Ultron verður frumsýnd þann 1. maí næstkomandi. Myndinni er leikstýrt af Joss Whedon og er önnur í röðinni í The Avengers seríunni, en fyrri myndin sló öll aðsóknarmet þegar hún var frumsýnd árið 2012.

Í Marvel teiknimyndasögunum er Ultron sköpunarverk vísindamannsins Hank Pym, öðru nafni Ant-Man. En af því að Ultron er hannaður til að vera með vitund og geta lært, þá fer hann fljótlega að vera of upptekinn af sjálfum sér sem endar með skelfingu fyrir alla í kringum hann.

Með helstu hlutverk í myndinni fara Robert Downey Jr., Scarlett Johannson, Chris Hemsworth, James Spader, Chris Evans, Jeremy Renner og Samuel L. Jackson.

Í dag var sýnd ný stikla úr myndinni, sem er jafnframt sú síðasta og má sjá hana hér að neðan.