Godzilla í borðtennis

Kjarnorkuskrýmslið japanska Godzilla mun storma inn í bíóhús í Bandaríkjunum þann 16. maí nk. og er markaðsherferð fyrir myndina þegar farin af stað þar í landi.

godzilla

Í nýju myndbandi frá Snickers súkkulaðinu þá er Godzilla í mun sakleysislegri leikjum en í myndinni sjálfri. Hún bregður sér í borðtennis, auk þess sem hún fer á vatnaskíði og fjórhjól í eyðimörkinni.

„Godzilla er bara ansi svöl,“ segir maður í partýi. „Nema þegar hún er svöng,“ minnir annar vinur hans hann á og þá fáum við að sjá Godzillu í sínum rétta ham, að rústa öllu sem hún kemur nálægt. En þá er eina ráðið að fá sér Snickers!

Fyrsta stiklan fyrir myndina er einnig komin út og má sjá hana hér fyrir neðan:

Helstu leikarar í myndinni eru þau Bryan Cranston, Aaron Taylor-Johnson, Elizabeth Olsen, Ken Watanabe, Juliette Binoche, David Strathairn og Sally Hawkins.