Elton og Aladdin í nýjum Myndum mánaðarins

Maíhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í maímánuði, sem og nýjum myndum sem gefnar verða út á DVD, Blu-ray og/eða VOD í mánuðinum.

Á forsíðum blaðsins eru tvær mjög spennandi en ólíkar kvikmyndir, sem margir hafa beðið eftir með mikilli eftirvæntingu. Annarsvegar er það kvikmyndin um breska tónlistarmanninn Elton John, Rocketman, með Taron Egerton í aðalhlutverkinu, og hinsvegar er það Aladdin, en þar fáum við meðal annars að sjá Will Smith bláan að lit í hlutverki andans í flöskunni.

Rocketman kemur í bíó 29. maí nk. en Aladdin verður viku fyrr á ferðinni, eða 22. maí.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is