Nakin Diaz daðrar við nakta Cruz

Nýjasta mynd Ridley Scott, The Counselor, verður frumsýnd á Íslandi 15. nóvember nk. Myndin er spennandi fyrir margra hluta sakir, ekki einungis fyrir það að Scott er við stjórnvölinn, heldur líka að hún er gerð eftir upprunalegu kvikmyndahandriti rithöfundarins Cormac McCarthy ( The Road, No Country for Old Men ) auk þess sem leikarahópurinn er sérlega hnýsilegur.

counselor-leopard-diaz

Meðal leikenda eru Cameron Diaz og Penelope Cruz en í meðfylgjandi atriði úr myndinni liggja þær naktar á bekk og Diaz daðrar við Cruz:

Atriðið hefur sést að hluta í stiklum fyrir myndina, en þarna gefst ágæt hugmynd um hvernig persónur þær Diaz og Cruz leika í myndinni.

Cruz hefur leikið illgjarnari konur í myndum eins og Blow, en leikur hér saklausari og einfaldari konu. Persóna Cruz er gift persónu Michael Fassbender, sem leikur lögfræðinginn, titilhlutverkið, sem dregst inn í undirheimana þar sem eru fyrir persónur þeirra Brad Pitt, og félaga persónu Diaz, Javier Bardem.

Auk framangreindra leika þau Rosie Perez, John Leguizamo, Goran Visnjic og Dean Norris helstu hlutverk.