Nú þegar Tomb Raider hefur sannað sig í kvikmyndahúsum vestra og hefur gengið framar öllum vonum, var vitað fyrirfram að framhald yrði gert. Angelina Jolie er með samning sem gerir ráð fyrir henni í allavega tvö framhöld ákveði framleiðendur að leggja út í það. Vitað var að leikstjóri myndarinnar Simon West ( Con Air ) var farinn að skrifa handritið að næstu Tomb Raider myndinni, en nú er komið babb í bátinn. Jolie hefur nú sagt í viðtali að hún vilji frekar eignast barn með manninum sínum, anorexíusjúklingnum Billy Bob Thornton ( Sling Blade , Armageddon ) heldur en að hirða svo sem 10 milljónir dollara fyrir að leika í framhaldinu, því hún sé æst í að stofna fjölskyldu. Hún er reyndar þekkt fyrir skrítna framkomu og stórar yfirlýsingar en óneitanlega eru þar með öll plön um framhald í lausu lofti, allavega eins og er.
