Nýjustu fregnir herma að ofurframleiðandinn Joel Silver ( The Matrix ) sé nú að fara að endurgera hina klassísku Fritz Lang mynd, M og ætli sér að hafa DMX ( Exit Wounds ) í öðru aðalhlutverkinu. Fjallaði upphaflega myndin um það hvernig glæpamenn og lögreglan tóku höndum saman til þess að ná barnamorðingja sem gekk laus. Í þessari mynd mun DMX þá leika aðalglæpamanninn og gengur hann í lið með aðallögreglumanninum sem verður líklegast Vin Diesel. Augljóst er að Silver ætlar sér að gera aðra buddy löggumynd og glæpamynd eins og 48 Hours. Sorglegt en satt.
