Stiller og Paltrow í nýrri mynd

Ben Stiller ( Meet the Parents ) og Gwyneth Paltrow ( Shakespeare in Love ) eru nú að fara að leika saman í myndinni Duplex, en henni verður leikstýrt af Greg Mottola. Myndin, sem skrifuð er af fyrrum Simpsons-pennanum Larry Doyle, mun fjalla um ungt par sem finnur hina fullkomnu íbúð. Eini gallinn er að gömul kona á heima í henni, og þá er eina ráðið í stöðunni að kála þeirri gömlu. Myndin er framleidd af Miramax, og munu framleiðslufyrirtæki Stillers og Paltrow einnig taka þátt í framleiðslunni.