Hrollvekjan Slender Man í leikstjórn Sylvian White mun hrylla áhorfendur í maí á þessu ári. Í dag var opinberað fyrsta plakatið fyrir myndina og á morgun er búist við stiklu úr myndinni. Plakatið er óhugnanlegt en þar má sjá óskýra mynd af dularfulla fyrirbærinu í gegnum móðu á rúðu.
Myndin mun fjalla, eins og titilinn gefur að kynna, um myrkrarveruna „Slender Man“ sem er mjóslegin, myrk vera sem birtist fyrst á myndum, teikningum og greinum á internetinu árið 2009.
Fyrirbærið hefur vakið mikla athygli eftir að tvær tólf ára stúlkur í Bandaríkjunum stungu bekkjarsystur sína 19 sinnum til að þóknast persónunni árið 2014. Stúlkurnar frömdu árásina til heiðurs teiknimyndapersónunni sem þær höfðu lesið smásögu um skömmu áður en þær frömdu ódæðið.
Með helstu hlutverk í myndinni fara Jaz Sinclair, Joey King, Julia Goldani Telles og Annalise Basso.
Plakatið má sjá hér að neðan. Fyrir áhugasama er hægt að lesa ítarlega grein um fyrirbærið HÉR.