Það getur verið erfitt fyrir foreldri að tengjast stjúpbarni, en það gæti orðið djöfullega erfitt fyrir Gary, sem Adam Scott leikur, í Netflix grínhrollinum Little Evil.
Gary er í draumasambandinu með Samantha, sem Evangeline Lilly leikur. Þau eru ástfangin, nýgift og búa nú saman í húsinu sem Samantha átti. Það er aðeins einn galli á gjöf Njarðar … en það er sonur Samantha, Lucas, sem Owen Atlas leikur. Hann er önugur, dálítið skrýtinn og Gary er farið að gruna að hann geti verið sonur Satans.
Leikstjóri myndarinnar er Eli Craig, og aðrir helstu leikarar eru Bridget Everett, Tyler Labine, Donald Faison og Clancy Brown.
Myndin verður aðgengileg á Netflix 1. september.
Kíktu á stikluna hér fyrir neðan: