Nú styttist óðum í Óskarsverðlaunin og verða þau veitt í 86. sinn þann 2. mars næstkomandi. Verðlaunin hafa verið veitt árlega frá 1929. Verðlaunahátíðin er yfirleitt sú best kynnta og mest áberandi á Vesturlöndum, og verðlaunin af flestum talin þau eftirsóknarverðustu.
Óskarsverðlaunin eru veitt af Bandarísku kvikmyndaakademíunni, samtökum fólks sem starfar við kvikmyndagerð í Bandaríkjunum og er aðild að þeim einungis veitt í heiðursskyni.
En hver er sagan á bakvið styttuna frægu? Hvar og hvernig er hún gerð? Hér að neðan má sjá myndband þar sem farið er yfir gerð styttunar frá grunni og þar til hún er tilbúin í hendurnar á einhverri alsælli stjörnu.
Opinbert nafn: Academy Award® of Merit
Hæð: 33 cm
Þyngd: 4 kg
Hversu margir hafa hlotið styttuna: 2,809
Hver hefur hlotið styttuna oftast: Walt Disney
Fyrsti verðlaunahafi: Emil Jannings, sem besti leikari í aðalhlutverki í “The Last Command” og “The Way of All Flesh” árið 1929
Hönnun: Riddari stendur með sverð ofan á filmu. Filman er með fimm holur sem endurspegla fimm upprunalegu starfstéttir kvikmyndaiðnaðarins. Leikarar, leikstjórar, framleiðendur, tæknimenn og handritshöfundar.
Hönnuður: Cedric Gibbons
Skúlptúr: George Stanley
Framleiðandi: R. S. Owens & Company
Framleiðslutími: 3–4 vikur fyrir 50 styttur