Ewan McGregor hefur mikinn áhuga á að leika Mark Renton á nýjan leik í framhaldi Trainspotting.
Leikstjóri Trainspotting, Danny Boyle, hefur áður lýst yfir áhuga á að gera nýja mynd byggða á framhaldsbók Irwine Welsh, Porno, með sömu leikurum og í fyrri myndinni.
McGregor, sem eitt sinn var óviss hvort hann hefði áhuga á að leika í nýrri Trainspotting-mynd, segist núna vera mjög áhugasamur. „Af ýmsum ástæðum var ég ekki tilbúinn til að leika í myndinni þá. En núna er talað um að myndin verði gerð eftir nokkur ár og ég er algjörlega til í að vera með. Það yrði mjög gaman að hitta alla aftur á tökustað og ég held að þetta yrði frábær reynsla,“ sagði hann í frétt Time Out.
