Á miðvikudaginn 13. maí verður ein af stærstu myndum sumarsins heimsfrumsýnd, Angels & Demons, og í tilefni af því ætlum við að vera með smá leik þar sem þú getur unnið tvo miða á myndina eða jafnvel bókina sem hún er byggð á.

Myndin er skrifuð sem beint framhald af The Da Vinci Code og fjallar sem fyrr um táknfræðinginn Robert Langdon (Tom Hanks), sem boðaður er með skömmum fyrirvara til Sviss
að rannsaka vettvang óhugnalegs morðs á þekktum vísindamanni. Fyrr en
varir er hann flæktur inn í aldalangar erjur kaþólsku kirkjunnar og
leynifélagsins Illuminati sem hefur í hyggju að sprengja sjálft
Vatíkanið í loft upp.

Undirritaður sá myndina í vikunni og getur vel fullyrt það að hér sé hiklaust um miklu betri mynd að ræða heldur en Da Vinci Code.

Til þess að eiga séns á frímiðum þarftu ekki nema að svara nokkrum laufléttum spurningum. Nokkrir heppnir fá síðan bækurnar með miðum sínum. Dregið verður úr réttum svörum síðan. Getraunin verður yfir alla helgina og haft verður samband við vinningshafa á mánudaginn gegnum tölvupóst. Þeir munu þá geta fengið miðana sína fyrir frumsýningardag til að vonandi kíkja á ræmuna við fyrsta tækifæri.

Spurningarnar hljóma svona:

– Hver leikstýrir myndinni?

– Hvað hét mótileikkona Hanks úr The Da Vinci Code?

– Hvað heitir höfundur bókanna?

Sendið mér svörin á tommi@kvikmyndir.is. Eins og ég sagði, þá hafið þið alla helgina.

Annars, bara svo þið vitið það þá þýðir það lítið að svara á komment-svæðinu, þið þurfið að senda mér póst. Látið fullt nafn og kennitölu fylgja með. Myndin er bönnuð innan 14 ára.

Gangi ykkur vel og góða skemmtun!