Storkur býr til barn – Fyrsta stikla!

Warner Bros. framleiðslufyrirtækið hefur gefið út fyrstu stiklu fyrir myndina Storkar, eða Storks eins og hún heitir á frummálinu.

Leikstjórar eru Nicholas Stoller og Doug Sweetland, en með helstu hlutverk fara Andy Samberg, Kelsey Grammer, Keegan-Michael Key og Jordan Peele.

storks

Eins og flestir ættu að vita þá hafa Storkar það hlutverk með höndum, amk. í einhverjum löndum, að afhenda börn, en í myndinni hafa þeir fengið nýtt hlutverk, að afhenda pakka fyrir netrisann Cornerstore.com.

Storkurinn Junior er þeirra besti starfsmaður, og er um það bil að fá stöðuhækkun, þegar hann af slysni ræsir upp barnagerðarvélina, og úr verður krúttleg, en algjörlega ólögleg, stúlka.

Junior og vinur hans Tulip, sem er eini maðurinn á Storkafjalli, þurfa nú að flýta sér að afhenda þetta barn, og þar með endurreisa hið rétta hlutverk Storka í þessum heimi.

Storks er væntanleg í bíó 23. september nk.