Salma sallar þá niður – Fyrsta stikla

Salma Hayek hefur leikið hlutverk í nokkrum blóðugum spennumyndum í gegnum tíðina, myndum eins og til dæmis Desperado, From Dusk Till Dawn og fleirum, en nú er væntanleg ný spennumynd, Everly, þar sem Hayek er komin í aðalhlutverkið og sparar ekki blýið .

salma hayek

Leikstjóri myndarinnar er Joe Lynch, en Hayek leikur vændiskonu sem lendir í lífshættu þegar fé er sett til höfuðs henni og fjölskyldu hennar. Hún fer þá í drápsferð þar sem takmarkið er að drepa alla þá sem ætluðu að drepa hana.

Kíktu á stikluna hér fyrir neðan:

Nánari söguþráður er eftirfarandi: Það eru komin jól, en það eru þýðir ekki að allt sé í himnalagi hjá Everly, sem Salma Hayek leikur. Everly er vændiskona, en hefur snúist gegn yfirmanni sínum, mafíuforningjanum Taiko, og er orðin uppljóstrari fyrir lögregluna. Taiko bregst við þessu með því að setja fé til höfuðs henni og fjölskyldu hennar. Fljótlega eru allir glæpamenn í bænum að leita að henni til að geta innheimt verðlaunaféð. En Everly kann að bjarga sér, og lætur glæpamennina finna til tevatnsins.

Myndin er væntanleg í bíó á næsta ári.