Ricky Gervais hefur lokið við að semja lög fyrir myndina Life on the Road, en hún mun fjalla um David Brent, sem Gervais lék svo meistaralega í Office þáttunum bresku.
Myndin, sem tekin verður upp á næsta ári, mun segja frá því þegar Brent er orðinn farandsölumaður, um áratug eftir að hann hætti hjá pappírsfyrirtækinu sem hann vann hjá í The Office, og vill nú láta draum sinn um að verða rokkstjarna rætast.
„Lögin eru öll tilbúin,“ sagði Brent við The Hollywood Reporter í London í gær, mánudag. „Og þetta er allt nýtt efni.“
Gervais sagði að það hefði verið mjög gaman að semja tónlist sem Brent á ný. „Það er allt of langt síðan síðast,“ sagði hann, og bætti við að tökur myndu hefjast um leið og hann hefur lokið við að gera gamanþáttaseríuna Derek og eina kvikmynd, sem hann vildi ekki segja hver væri.