Hefur bara séð fimm kvikmyndir á ævinni

Fótboltakappinn fyrrverandi, Michael Owen, hefur aðeins séð um fimm kvikmyndir á ævi sinni. Þetta kom  fram í viðtali sem The Guardian átti við hann. owen

Hvaða kvikmynd sástu síðast?

„Það hljómar mjög leiðinlega en ég horfi ekki á kvikmyndir. Ég held ég hafi séð í kringum fimm alla mína ævi. Ég bara kemst ekki inn í þær. Ég reyni það. Einhver segir við mig, „Þú verður að horfa á þessa mynd, hún er frábær“. Ég reyni en eftir hálftíma, fjörutíu mínútur get ég ekki meira.“

Hvaða fimm myndir eru þetta?

„Þær hljóta að hafa verið alveg hræðilegar. Rocky, Jurassic Park, Cool Runnings, Ghost. Ég man ekki eftir fleirum. Og Heat. Ég hef séð hana. Ég man ekki eftir fleirum.“