Víkingur í Warcraft

Eftir mikla leit þá hefur kvikmyndafyrirtækið Legendary Entertainment loksins fundið aðalleikara fyrir myndina Warcraft, sem gera á eftir vinsælasta tölvuleik í heimi, World of Warcraft frá tölvuleikjafyrirtækinu Blizzard. Maðurinn sem um ræðir er Travis Fimmel, aðalleikari í sjónvarpsþáttunum Vikings, sem sýndir eru á History Channel sjónvarpsstöðinni.

travis fimmel

Variety kvikmyndaritið segir að ekki sé búið að skrifa endanlega undir samning við leikarann, en heimildir blaðsins hermi að Fimmel muni leika eina af fjórum aðalpersónum myndarinnar.

Duncan Jones, leikstjóri Source Code, mun leikstýra myndinni eftir handriti Charles Leavitt. Paula Patton og  Colin Farell eiga enn í viðræðum um að taka þátt.

Tökur myndarinnar eiga að hefjast á fyrri hluta næsta árs.

Sjáðu Fimmel hér að neðan í hlutverki sínu í Vikings: