Mike Myers, 50 ára, og eiginkona hans Kelly Tisdale, eiga von á sínu öðru barni, að því er fjölmiðlafulltrúi leikarans staðfesti við vefmiðilinn The Hollywood Reporter.
Myers og Tisdale giftust árið 2010 og eiga saman soninn Spike, 2 ára.
Myers var áður giftur grínhöfundinum og leikkonunni Robin Ruzan.
Myers leikstýrði nú nýverið sinni fyrstu mynd, heimildamyndinni Supermensch: The Legend of Shep Gordon. Myndin var frumsýnd á kvikmyndahátíðinni í Toronto og eftir frumsýninguna keypti dótturfyrirtæki stórfyrirtækisins The Weinstein Co., RADiUS-TWC, drefingarrétt á myndinni í Bandaríkjunum.
Myndin verður frumsýnd á fyrsta fjórðungi næsta árs í almennum sýningum í Bandaríkjunum.