Ástfangin af tvífara eiginmannsins

Anette Bening og Ed Harris líta, á meðfylgjandi myndum, út fyrir að vera sérlega hamingjusöm í hlutverkum sínum í The Face of Love, sem kemur í bíó í næsta mánuði. Enn er engin stikla komin út fyrir myndina, en um er að ræða rómantíska drama mynd eftir leikstjórann Arie Posnin. Búið er að birta nokkrar ljósmyndir úr myndinni og eru nokkrar þeirra hér meðfylgjandi:

anette bening

Handrit skrifa þau Posin og Matthew McDuffie, og er myndinni lýst sem rómans, sem samanstendur af leynilegum ástarfundum, óvæntum atvikum og lýsingum á dulúðleika ástarinnar, en myndin fjallar um konu að nafni Nikki sem verður ástfangin af manni sem er ótrúlega líkur látnum eiginmanni hennar.

THE-FACE-OF-LOVE-Images-535x328

Bening leikur Nikki, en fimm árum eftir að hún missir sína einu sönnu ást, þá kynnist hún myndlistarkennaranum Tom, sem leikinn er af Harris, og verður ástfangin af honum.

THE-FACE-OF-LOVE-Image-01-535x360

Aðrir leikarar í myndinni eru þau Robin Williams, Amy Brenneman og Jess Weixler, en myndin er væntanleg í bíó í Bandaríkjunum þann 20. september nk.

Myndin hefur einnig verið valin til sýninga á kvikmyndahátíðinni í Toronto í Kanada í næsta mánuði.