Sambíóin frumsýna nýjustu mynd leikstjórans Michael Bay, Pain and Gain, á miðvikudaginn næsta, þann 12. júní.
Í tilkynningu frá Sambíóunum segir að óhætt sé að segja hér sé á ferðinni „einhver svartasta kómedía sem gerð hafi verið“.
Myndin er byggð á sönnum atburðum en sannleikurinn er oft á tíðum ótrúlegri en metnaðarfyllstu skáldverk.
Sjáðu stiklu úr myndinni hér fyrir neðan:
Þrír líkamsræktarmenn flækja sig í mannrán og fjárkúgun sem fer svo illilega úrskeiðis að þeir mega teljast heppnir að sleppa lifandi.
„Pain & Gain er bráðfyndin mynd sem hefur fengið toppdóma gagnrýnenda sem og almennra áhorfenda, en hún fór beint í fyrsta sæti bandaríska aðsóknarlistans þegar hún var frumsýnd og á örugglega eftir að gera það gott hér á landi líka.“
Myndin er byggð á sannri sögu. Mark Wahlberg leikur líkamsræktarmanninn og fyrrverandi tugthúsliminn Daniel Lugo sem gengið hefur ágætlega upp á síðkastið en vill meira og er orðinn hundleiður á að bíða eftir að ameríski draumurinn rætist.
Daniel vinnur og æfir í líkamsræktarstöðinni Sun Gym ásamt besta vini sínum, Adrian. Á sama stað venur komur sínar forríkur en spilltur viðskiptamaður, Victor Kershaw, sem gæti einmitt látið draum Daniels rætast sé réttu aðferðunum beitt, en þær aðferðir felast í því að ræna Victori og kúga út úr honum fé. Með í mannránið fær Daniel síðan Adrian og fyrrverandi fangann Paul Doyle sem óhætt er að segja að stígi ekki í vitið þrátt fyrir vöðvaknippin…
Aðalhlutverk: Mark Wahlberg, Dwayne ,,The Rock“ Johnson, Ed Harris, Anthony Macke, Tony Shalhoub, Rob Corddry, Rebel Wilson og Peter Stormare
Leikstjórn: Michael Bay
Sýningarstaðir: Sambíóin Álfabakka, Egilshöll, Kringlunni, Keflavík og Akureyri, Ísafjarðarbíó
og Bíóhöllin Akranesi
Aldurstakmark: 16 ára
Fróðleiksmolar til gamans:
• Heimili Franks Criga, sem Michael Rispoli leikur í Pain & Gain, er í raun heimili leikstjórans Michaels Bay.
• Michael Bay byrjaði á þessari mynd áður en hann gerði Transformers-myndirnar og segir sjálfur að hann hafi með gerð hennar viljað hvíla sig frá stórmyndunum sem hann hefur verið þekktur fyrir að gera síðan hann sló í gegn með Bad Boys-myndunum.
