Bandaríska leikkonan Amanda Bynes, aðalstjarna hinnar vinsælu myndar She´s The Man frá árinu 2006, var handtekin í gær í New York eftir að hún henti maríjúana glerpípu út um glugga á íbúð sinni.
Samkvæmt lögreglunni þá hafði starfsmaður í byggingunni þar sem Amanda býr samband við lögreglu, til að kvarta yfir marijúana reykingum leikkonunnar í anddyri byggingarinnar.
Starfsmennirnir fóru í íbúð Bynes og sáu þar mikinn reyk og glerpípu, sem Bynes grýtti út um gluggann þar sem hún stóð fyrir framan starfsmennina.
Bynes var í kjölfarið handtekin og kærð fyrir glæfralega háttsemi, að eiga við sönnunargögn og fyrir að hafa undir höndum marijúana.
Bynes skaust upp á stjörnuhimininn í sjónvarpsþættinum Allt That á barnasjónvarpsstöðinni Nickeloden, og hefur leikið í nokkrum bíómyndum, þar á meðal nú síðast í Easy A frá árinu 2010. Upp á síðkastið hefur leikkonan einkum verið í fréttum fyrir undarlega hegðun og háttsemi.